პრემიერმინისტრი ღარიბაშვილი რეფორმებზე და სტრატეგიაზე ექსპრემიერ გახარიას გუნდის კითხვებს არ პასუხობს და მიუთითებს, რომ ისინი იყვნენ მთავრობაში და შეეძლოთ გაეკეთებინათ.

"ანა ბუჩუკურის და შემდეგ ბექა ლილუაშვილის შეკითხვები შეეხებოდა, თქვენ მიერ დაწყებული რაღაც პროექტების და რეფორმების... თქვენ იყავით მთავრობაში, შეგეძლოთ გაგეგრძელებინათ და არ წასულიყავით", — განაცხადა ღარიბაშვილმა.

პარლამენტში მოსმენისას ირაკლი ღარიბაშვილს გახარიას გუნდის წევრმა, ანა ბუჩუკურმა ადამიანის უფლებათა ეროვნულ სტრატეგიაზე, ასევე, იუსტიციის უმაღლესი საბჭოს ფუნდამენტურ რეფორმაზე ჰკითხა, ბექა ლილუაშვილმა კი — პოსტპანდემიურ ეკონომიკურ გეგმაზე.