"ძალიან მეეჭვება, რომ ეს იყოს ადეკვატური და ობიექტური მაჩვენებლები", — ასე ეხმაურება ეკონომიკის მინისტრი, ნათია თურნავა Edison Researchის კვლევას ყოფილი პრემიერმინისტრის გახარიას პარტიის რეიტინგზე.

"გიორგი გახარია იყო წარმატებული პრემიერმინისტრი წარმატებული გუნდის ფარგლებში. არა მგონია მსგავსი პერსპექტივა ჰქონდეს გუნდის გარეთ", — აღნიშნა თურნავამ.

ტელეკომპანია ფორმულას დაკვეთით ჩატარებული Edison Research-ის კვლევის შედეგების მიხედვით, კითხვაზე: "დღეს რომ თვითმმართველობის არჩევნები იყოს რომელ პარტიას მისცემდით ხმას" ალოკაციის გარეშე ხმები შემდეგნაირად ნაწილდება: 25% ამბობს, რომ ქართულ ოცნებას მისცემდა ხმას, 19% — ენმ-გაერთიანებულ ოპოზიციას, ხოლო 10% გიორგი გახარიას პარტიას, საქართველოსთვის.