ტერაბანკის ესეების კონკურსი "დამოუკიდებელი საქართველო 1918-1921" დასრულდა. საუკეთესო ნაშრომისთვის კი ჯილდო და წამახალისებელი საჩუქარი ირაკლი ჯავახიშვილმა მიიღო.

ტერაბანკის ინიციატივით, საქართველოს დამოუკიდებლობის დღესთან დაკავშირებული კონკურსი 26 მაისს დაიწყო და 23 ივნისამდე გაგრძელდა. მასში მონაწილოების მიღება საქართველოს ნებისმიერ მოქალაქეეს შეეძლო.

"გვსურდა, ადამიანებისთვის საშუალება მიგვეცა, რომ მათ საქართველოს დამოუკიდებლობის დღის მიმართ საკუთარი ემოციები განსხვავებულად გამოეხატათ. ჩვენთვის ძალიან სასიხარულოა, რომ კონკურსს ქვეყნის სხვადასხვა რეგიონიდან პრაქტიკულად ყველა ასაკის მონაწლეები, მათ შორის სკოლის მოსწავლეებიც გამოეხმაურნენ", — აღნიშნავენ ტერაბანკში.

კონკურსი "დამოუკიდებელი საქართველო 1918-1921" საბჭოთა წარსულის კვლევის ლაბორატორიასთან პარტნიორობით ჩატარდა. გამარჯვებულიც სოვლაბისა და ტერაბანკის წარმომადგენლებისგან შემდგარმა ჟიურიმ ერთობლივად გამოავლინა. გამარჯვებული ესეს ნახვა ტერაბანკის ბლოგზეა შესაძლებელი: https://bit.ly/3d7Xrs2

აღსანიშნავია, რომ ტერაბანკის კონკურსს წინ ონლაინკამპანია უძღოდა. დამოუკიდებლობის დღესთან დაკავშირებით, ბანკი საკომუნიკაციო არხებით აუდიტორიას იმ ადამიანებზე უამბობდა, რომლებმაც პირველი დამოუკიდებელი რესპუბლიკის დამოუკიდებლობის აქტზეც მოაწერეს ხელი და შემდეგ მისი ფინანსური პოლიტიკის განსაზღვრაში მნიშვნელოვანი როლიც ითამაშეს.