რუსეთმა ბრიტანულ გამანადგურებელ ხომალდ HMS Defender-ს შავ ზღვაში გამაფრთხილებელი ცეცხლი გაუხსნა. რუსეთის ფედერაციის სახელისუფლებო მედია ტასი წერს, რომ შავი ზღვის ფლოტმა, რუსეთის FSB-ს სასაზღვრო სამსახურთან ერთად, სახელმწიფო საზღვრის დარღვევა შეაჩერა.

რუსეთის თავდაცვის სამინისტროს მტკიცებით, ბრიტანულმა გამანადგურებელმა რუსეთის სახელმწიფო საზღვრის დარღვევის შემთხვევაში იარაღის გამოყენების შესახებ გააფრთხილეს მიიღო.

თავდაცვის უწყების განცხადებით, 12:23 საათზე, შავი ზღვის ფლოტისა და რუსეთის ფედერაციის საზღვრის სასაზღვრო სამსახურის ერთობლივი ქმედებების შედეგად, გამანადგურებელმა რუსეთის ფედერაციის ტერიტორიული ზღვის საზღვრები დატოვა.

მომხდარ ინციდენტთან დაკავშირებით ბრიტანეთის თავდაცვის ატაშე რუსეთის თავდაცვის სამინისტროში გამოიძახეს.