თბილისის ზოოპარკმა თავისი ბინადრების ცხოვრებიდან კადრები გაგვიზიარა და გვიჩვენა, როგორ უმკლავდებიან ცხოველები პაპანაქებას. რა თქმა უნდა, ზაფხულის შემხუთველ სიცხესთან გამკლავების ერთ-ერთი ყველაზე გემრიელი და წარმატებული გზა ნაყინია.

ფეისბუქგვერდზე გამოქვეყნებულ ფოტოებში გახარებული ცხოველები ჩანან, რომლებიც ნაყინს აქეთ-იქით დააგორებენ. პოსტს თან სახალისო აღწერაც ერთვის:

"ის დრო გახსოვთ, სამბორბლიანი მოტოციკლი რომ ჩამოირიხინებდა და - ეეეესკიმო შიკოლადის მაროჟნიეეეეეეეე - გააპობდა ზაფხულის ცხელ ჰაერს პიპინი და მენაყინის ომახიანი ძახილი. დაფაცურდებოდნენ ბავშვები, მოაგროვებდნენ პატარა მუჭებში ოცკაპიკიანებს და მერე ტლეკდნენ და ტლეკდნენ 'სტაკანჩიკ' ნაყინებს. რასაც ვერ ტლეკდნენ, იდაყვებზე ჩამოსდიოდათ, ნიკაპზე... ასე არიან ჩვენი დათვები და მგლებიც - 'ააააბა გაყინული ჭარხალი და სტაფილო, კიტრი და ვაშლიიიიეეეეეეე' - დაიძახებენ ჩვენები, ჩამოატარებენ სამბორბლიანი ურიკით ცხოველურ ნაყინებს და ტლეკენ და ტლეკენ ჩვენებიც. რასაც ვერ ტლეკენ, ჩამოსდით თათებზე, დრუნჩზე..."

ფოტო: თბილისის ზოოპარკი

ფოტო: თბილისის ზოოპარკი

ფოტო: თბილისის ზოოპარკი

ფოტო: თბილისის ზოოპარკი

ფოტო: თბილისის ზოოპარკი

ფოტო: თბილისის ზოოპარკი

ფოტო: თბილისის ზოოპარკი

თქვენ როგორ უმკლავდებით ზაფხულის პაპანაქებას? მოგვწერეთ კომენტარებში.