ბოლნისის მუნიციპალიტეტის სოფელ ნახიდურში, კაცმა ცოლს სცემა, რის შედეგადაც 40 წლის ქალმა გონება დაკარგა და საავადმყოფოში მიყვანამდე გარდაიცვალა.

"გამოძიებით დადგინდა, რომ ბრალდებულმა კაცმა მიმდინარე წლის 12 ივნისს, ბოლნისის მუნიციპალიტეტის სოფელ ნახიდურში, ურთიერთშელაპარაკებისას, ცოლს ფიზიკური შეურაცხყოფა მიაყენა, რის შედეგადაც ქალმა გონება დაკარგა და საავადმყოფოში მიყვანამდე გარდაიცვალა", — აცხადებენ შსს-ში.

შინაგან საქმეთა სამინისტროს აცხადებს, რომ პოლიციამ 50 წლის კაცი ცხელ კვალზე დააკავა.

უწყების ცნობით, მას ბრალი ოჯახის წევრის მიმართ ჩადენილ ჯანმრთელობის განზრახ მძიმე დაზიანებაში ედება, რამაც სიცოცხლის მოსპობა გამოიწვია.

მათივე ინფორმაციით, შემთხვევა 12 ივნისს მოხდა. გამოძიება საქართველოს სისხლის სამართლის კოდექსის 11 პრიმა — 117-ე მუხლით მიმდინარეობს, რაც ოჯახის წევრის მიმართ ჩადენილ ჯანმრთელობის განზრახ მძიმე დაზიანებას გულისხმობს, რამაც სიცოცხლის მოსპობა გამოიწვია. დანაშაული 6-დან 9 წლამდე ვადით თავისუფლების აღკვეთას ითვალისწინებს.