პლენარულ სხდომაზე უპირბადოდ დასწრების გამო პარლამენტის დეპუტატი, ტარიელ ნაკაიძე საკუთარი თავის დაჯარიმებას ითხოვს. ამის შესახებ ის ფეისბუქზე წერს.

"მიუხედავად იმისა, რომ სრულად არ ვეთანხმები პირბადის ყველგან ტარების ვალდებულებას, ვფიქრობ დღეს ჩემი, როგორც პარლამენტის წევრის ქმედება, არ იყო სწორი, რადგან ეს წესი მოქმედებს და არაერთი მოქალაქე არის დაჯარიმებული, აღნიშნული წესის დარღვევისთვის. ამიტომ, თავს არ მივცემ უფლებას, ჩემს შემთხვევაში დაშვებული იქნეს გამონაკლისი და მოვუწოდებ შესაბამის უწყებას, დროულად გამომიგზავნოს შესაბამისი ჯარიმის ქვითარი", — წერს ის.

დღეს მე-10 მოწვევის პარლამენტის პლენარული სხდომა მიმდინარეობდა. მას დეპუტატების ნაწილი პირბადის გარეშე ესწრებოდა. აღნიშნულის ამსახველი ფოტოები თავდაპირველად რადიო თავისუფლებამ გამოაქვეყნა.