დღეს, 23 მაისს, გლდანის რაიონში, ბოჭორიშვილის ქუჩაზე ახალი 350 ბავშვზე გათვლილი ბაღი გაიხსნა. ის ბავშვებს ხვალიდან მიიღებს.

როგორც ბაღების სააგენტოში On.ge-ს უთხრეს, ბაღის მშენებლობა 1,6 მილიონ ლარზე მეტი დაჯდა, ხოლო აღჭურვა - 71,741 ლარი.

#35 საბავშვო ბაღი 2015 წელს გაზრდილი მოთხოვნის გათვალისწინებით აშენდა. თბილისის მერიის ინფორმაციით, ბაღი თანამედროვე სტანდარტებს ითვალისწინებს და ამ დროისთვის მასში, 2-3 წლიანთა ჯგუფის გარდა, რამდენიმე ათეული თავისუფალი ადგილია დარჩენილი.

მერიის ინფორმაციით, წელს თბილისში კიდევ 5 ახალი საბავშვო ბაღი გაიხსნება.