დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყნის 4 დიდ ქალაქში დიდი ამცრელი სივრცეები უნდა ჩამოყალიბდეს. მისი თქმით, მუშაობა მიდის მოლებთან, სპორტულ დარბაზებთან და სხვა დაწესებულებებთან, რათა ეს სივრცეები ასაცრელად გამოიყენონ.

"ქვეყნის 4 დიდ ქალაქში, თბილისში, ქუთაისში, ბათუმსა და რუსთავში უნდა ჩამოვაყალიბოთ დიდი ამცრელი სივრცეები. თბილისში, მინიმუმ, სამი-ოთხი, დანარჩენში თითო-თითო. კარვებზე არ არის საუბარი, უფრო დიდ სივრცეებზეა საუბარი. მაგალითად, თბილისში აქტიურად ვმუშაობთ ექსპოჯორჯიასთან მათი პავილიონების გამოყენებასთან დაკავშირებით, ასევე, ვმუშაობთ ჰუალინგის ცენტრთან მათი ფართობების გამოყენებასთან დაკავშირებით, ასევე, რამდენიმე სპორტულ დაწესებულებასთან, სადაც დიდი დარბაზებია, ასევე, მოლებთან, რომ იქნეს ამ ტიპის ცენტრები გაშლილი, რათა ეს ინტენსიური ვაქცინაცია ივლისიდან ყველასთვის ხელმისაწვდომი იყო, როგორც ეს იქნება წინასწარი დაჯავშნით, ისე ცოცხალი რიგებით, ანუ ვირტუალური კაბინეტებით", — თქვა მან.

საქართველოში ვაქცინის ორივე დოზით ორივე 50 000-ზე მეტი ადამიანია აცრილი. ქვეყანაში Covid-19-ის საწინააღმდეგო აცრა, ამ ეტაპისთვის, ოთხი — AstraZeneca, Pfizer-ის, Sinopharm-ისა და Sinovac-ის ვაქცინით არის შესაძლებელი. ქვეყანაში ვაქცინაცია AstraZeneca-ს ვაქცინით 15 მარტიდან დაიწყო.

გაიგეთ მეტი ვაქცინაციის მნიშვნელობაზე: