პარტია მოქალაქეების ლიდერის, ალეკო ელისაშვილის განცხადებით, ნაციონალური მოძრაობა პარლამენტში "გაბანძებული და თავლაფდასხმული" შედის. მისი თქმით, თავის დროზე აფრთხილებდა, რომ "უმანდატო ბოკერიას და უგულავას" არ აყოლოდნენ, მაგრამ არ მოუსმინეს და შედეგად ქვეყანა აწვალეს.

"ვაფრთხილებდით და ვესაუბრებოდით ნაციონალურ მოძრაობას, ნუ ხართ ამ უმანდატო ბოკერიას და უგულავას აყოლილები-თქო, რომ აყვნენ, იმიტომ არიან ასეთ დღეში. შემოდიან გაბანძებულები და თავლაფდასხმულები. ხო და მე ხუთი კითხვა მაქვს და მინდა სხდომაზე დავუსვა.

ეს არის ფაქტი, რომ ამ პოლიტიკურ ორგანიზაციას არ აღამოაჩნდა არც პოლიტიკური ალღო, არც პოლუტიკური პრაგმატიზმი და არც ამ ქვეყნის სიყვარული. აწვალეს ეს ქვეყანა", — განაცხადა ელისაშვილმა.

მან ისევ ისაუბრა იმაზე, თუ "როგორ ჩახედავს ენმ თვალებში" მაშინ, როცა პარლამენტში შესვლისთვის ლანძღავდნენ და ახლა იმავეს აკეთებენ.

"ჩვენ შემოვედით თებერვლის დასაწყისში, თვითონ შემოდიან ივნისის დასაწყისში და რა განსხვავებაა? თვითონაც ახდენენ ლეგიტიმაციას პარლამენტის? ჩვენ რომ გვეუბნებოდნენ ივანიშვილის პარლამენტის ლეგიტიმაციას ახდენთო. თვითინ რას აკეთებენ, 18-ჯერ მეტნი არიან ჩვენზე. ანუ 18-ჯერ მეტჯერ ახდენენ ლეგიტიმაციას? წინ უნდა გაეხედათ სანამ ტუჩები ჰქონდათ დალურჯებული ჩვენი ლანძღვით. წინ უნდა გაეხედათ რომ ისევ აქ მოუწევდათ მოსვლა. ფეხით გამოგათრევო მე რომ მეუბნებოდნენ და თავისი ფეხით მოდიან. აი როგორ უნდა ჩამეხდონ თვალებში, რა საინტერესოა", — განაცხადა მან.

ელისაშვილი ამბობს იმასაც, რო თუ ენმ ცირკის მოწყობას აპირებს, მისგან პასუხს მიიღებენ, რადგან პარლამენტი უნდა იყოს "გაუბედურებულ ქვეყანაზე" ზრუნვის ადგილი.

"ერთ რამეს ვისურვებ და კამერებით ვურჩევ ნაციონალურ მოძრაობას, აქ უნდა იყოს სამუშაო გარემო და არა ცირკი. თუ აპირებენ ცირკი გამართონ კამერების წინ, ეს იქნება ძალიან ცუდი და ჩემგან ექნებათ პასუხი ყოველ ჯერზე. ჩვენ მიგვაჩნია რონ პარლამენტი უნდა იყოს ადგილი, სადაც ამ გაუბედურებულ ქვეყანაზე უნდა ვფიქრობდეთ და პრობლემების მოგვარებაზე უნდა ვირჯებოდეთ. ვისურვებდი ახლა მაინც დაგვიჯერონ, ცირკისთვის და რაღაც შოუებისთვის არ შემოვიდნენ", — განაცხადა მან პარლამენტში.

დღეს, 8 ივნის ნაციონალური მოძრაობის წევრები პარლამენტში მიდიან, ისინი პლენარულ სხდომაზე დასწრებას გეგმავენ. პარტია პარლამენტში შესვლას დათანხმდა, თუმცა შარლ მიშელის დოკუმენტს ხელი არ მოაწერეს.