კლონები — ასე ეწოდება ბალენსიაგას 2022 წლის გაზაფხულის კოლექციას, რომლის ციფრული პრეზენტაციაც 6 ივნისს შედგა. ეს სახელი გასაკვირი სულაც არაა იმის გათვალისწინებით, რომ დემნა გვასალიამ კოლექცია იმიტირებულ საზოგადოებას სწორედ კლონების საშუალებით წარუდგინა.

ფოტო: Balenciaga

7-წუთიან ვიდეოში კოლექციის ყველა ლუქს ამერიკელი მხატვარი ელაიზა დუგლასი "წარადგენს". ეს ფაქტი, რა თქმა უნდა, ბოლომდე სიმართლეს არ შეესაბამება. აღნიშნულ ეფექტს ვიდეოს რეჟისორმა თანამედროვე ტექნოლოგიების გამოყენებით მიაღწია.

"რასაც ონლაინ ვხედავთ, სიმართლეს არ შეესაბამება. რა არის ნამდვილი და რა — ყალბი?" — ახალი კოლექციითა და ვიდეოს წყალობით დემნა გვასალიამ რეალურსა და არარეალურს შორის ზღვარის წაშლა ნამდვილად მოახერხა.

ფოტო: Balenciaga

"ესაა ჩვენება, რომელიც არასდროს გამართულა, თუმცა ტანსაცმელი ნამდვილია, ის ნამდვილად შევქმენით", — ამბობს დემნა გვასალია ახალი კოლექციის შესახებ.

ფოტო: Balenciaga

ახალი კოლექცია სხვა ლუქებთან ერთად ბალენსიაგას Crocs-სა და Gucci-ისთან კოლაბორაციით შექმნილ ნივთებსაც აერთიანებს. მათ შორისაა Crocs-ის ქუსლიანი ფეხსაცმელი და გუჩის ცნობილი ჩანთა, წარწერით "ეს გუჩის ჩანთა არაა".

ფოტო: Balenciaga