პირველი მარტიდან ახალი ავტობუსები #87 წრიულ მარშრუტზე (ბარათაშვილი-საბურთალო-ვაკე-ბარათაშვილი) იმოძრავებს და ერთ წრეზე 240-ს ნაცვლად 425 მგზავრის გადაყვანას შეძლებს.

თბილისის მერიის ინფორმაციით, გათავისუფლებული ყვითელი ავტობუსები სხვა მარშრუტებზე გადანაწილდება.

ახალი ლურჯი ავტობუსები თბილისში სექტემბრიდან შემოვიდნენ და უკვე მოძრაობენ #37, #51 და #61 მარშრუტებზე.

მგზავრობის საფასურზე სტანდარტული ტარიფი მოქმედებს - 50 თეთრი და მერიის მიერ დაწესებული შეღავათები.

2017 წლის მარტის ბოლომდე თბილისს 143 ახალი Man-ის ფირმის ევროსტანდარტების შესაბამისი, ეკოლოგიურად სუფთა, CNG ძრავზე მომუშავე და ადაპტირებული ავტობუსები მოემსახურება.