მეგან მარკლს და პრინც ჰარის მეორე შვილი შეეძინათ. წყვილმა გოგონას ბებიების სახელი, ლილიბეთ დაიანა დაარქვა.

სასექსის ჰერცოგისა და ჰერცოგინიას მეორე შვილი პარასკევს, 4 ივნისს, სანტა-ბარბარას საავადმყოფოში დაიბადა, თუმცა წყვილმა ახალი ამბავი მსოფლიოს 2 დღის შემდეგ აცნობა. მეგანიც და პატარაც კარგად იმყოფებიან და უკვე სახლში არიან.

განცხადებაში ვკითხულობთ, რომ ლილიბეთ "ლილი" დაიანა მაუნტბატენ-უინძორს სახელი ბებიების პატივსაცემად დაარქვეს. დედოფალ ელიზაბეთს სამეფო ოჯახში "ლილიბეთს" ეძახიან, დაიანა კი უელსის პრინცესის და ჰარის დედის პატივსაცემად შეურჩიეს.

წყვილს ასევე 2 წლის შვილი, არჩი მაუნტბატენ-უინძორი ჰყავს.