ქართველი მეცო სოპრანო ქეთევან ქემოკლიძის კარმენის სპექტაკლები სევილიაში, კარმენისსავე სამშობლოში, ტრიუმფით მიმდინარეობს. 30 წლის შემდეგ სევილიის მაესტრანცას ოპერაში კარმენი სწორედ ქართველი მომღერლით დაბრუნდა.

ქართველმა შემსრულებელმ ესპანური პრესის აღფრთოვანება დაიმსახურა და ის ესპანეთის ყველაზე ცნობილი საოპერო ჟურნალის, ოპერა აქტუალის (ÓPERA ACTUAL) ყდაზეც მოხვდა.

ქეთევან ქემოკელიძეს "კვირის ხელოვანის" ტიტულიც მიანიჭეს.

კარმენის ეს თანამედროვე დადგმა ეკუთვნის ესპანელ რეჟისორს კალიქსტო ბიეიტოს, რომელიც წარმატებით იდგმება მსოფლიოს წამყვან სცენებზე. სპექტაკლს დირიჟორობდა ესტონელი ქალი დირიჟორი, ანუ ტალი.

ქეთევან ქემოკლიძის კარმენი სევილიურმა პუბლიკამ განსაკუთრებული აპლოდისმენტებით, ფლამენკოს რიტმში დააჯილდოვა.