აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი, ქეთევან ბაკარაძე გადადგა და ყოფილი პრემიერმინისტრის, გიორგი გახარიას გუნდს შეუერთდა. ამის შესახებ მან ფეისბუქზე დაწერა. მას აღნიშნული თანამდებობა თითქმის რვა წლის განმავლობაში ეკავა.

"ვუერთდები გუნდს, რომლის ხედვები, დეოკუპაციის სტრატეგია და სამოქმედო გეგმა სრულ თანხვედრაშია ჩემთან; გუნდი ,რომელიც წარმოდგენილია ღირსეული,წესიერი, კომპეტენტური ადამიანებით; გუნდი,რომელსაც ჰყავს საუკეთესო ლიდერი — გიორგი გახარია, რომელიც მჯერა,რ ომ თავისი პიროვნული თვისებებით, ღირებულებებით, ერუდიციით, ეფექტიანი მართვით, მათ შორის კრიზისული სიტუაციების წარმატებული მართვითა და დასახული მიზნებით ძალიან მნიშვნელოვან ცვლილებებს განახორციელებს ჩვენი ქვეყნისთვის, საქართველოსთვის!" — აცხადებ ბაკარაძე.

ყოფილმა პრემიერმინისტრმა თავისი ახალი გუნდი და პარტია საქართველოსთვის 29 მაისს წარადგინა. მის გუნდში არიან პარლამენტში ქართული ოცნების სიით მოხვედრილი დეპუტატები, რომლებმაც უმრავლესობა დატოვეს, ამასთან, მთავრობის ადმინისტრაციის ყოფილი ხელმძღვანელები და სახელმწიფო მოხელეები.