ყოფილი პრემიერმინისტრის, გიორგი გახარიას თქმით, კორუფციასა და ნეპოტიზმზე საუბარი მხოლოდ გუშინ არ დაუწყია.

"დღეს სახელმწიფოს ყველაზე დიდი გამოწვევა არის სუსტი ინსტიტუტები. როდესაც ქვეყანას აქვს სუსტი სახელმწიფო ინსტიტუტები, კორუფციული რისკები და ნეპოტიზმი არის უკვე სისტემური პრობლემა. ეს არ არის კონკრეტული კორუფციული ქეისების და შემთხვევების პრობლემა, ეს არის პრობლემა, რომელიც ხელს უშლის სახელმწიფოს მშენებლობას და განვითარებას. სისტემური თემა არის. თქვენ თუ გგონიათ, რომ მე ამაზე მარტო გუშინ დავიწყე ლაპარაკი, არა. ომბუდსმენობიდან დაწყებული ერთ-ერთი ყველაზე მნიშვნელოვანი გამოწვევა ყოველთვის იყო კორუფცია და ეს ყველამ ძალიან კარგად იცის. ნეპოტიზმს რაც შეეხება, ინტერესის გულისთვის შეგიძლიათ ჩემს ირგვლივ ან ჩემს გუნდში ერთი ადამიანი მაინც იპოვოთ, რომელიც რაღაცნაირად არის ჩემთან დაკავშირებული და ამ ნიშნით იყო სადმე დანიშნული, არასდროს არ ყოფილა. უბრალოდ, მე ყოველთვის ვთვლიდი, რომ ეს არაგონივრული ნაბიჯია", — თქვა გახარიამ.

მისივე თქმით, ბოლო არჩევნების შემდეგ მძაფრად გამოჩნდა სახელმწიფო ინსტიტუტების სისუსტე, ინსტიტუტების სისუსტზე კორუფციასა და ნეპოტიზმთან ერთად კი სისტემური პრობლემაა.