ლელოს ერთ-ერთ ლიდერის, მამუკა ხაზარაძის თქმით, ნაციონალური მოძრაობის მხრიდან შარლ მიშელის დოკუმენტზე ხელის არმოწერა ქვეყნის ევროკურსისთვის დამაზიანებელია.

"შარლ მიშელის დოკუმენტი სწორედ, პირველ რიგში, მეგობრობასა და პარტნიორობას გულისხმობს. ბუნებრივია, შეიძლება იყოს რაღაც დეტალი, რომელიც ვინმეს არ მოსწონდეს და ეს ძალიან მარტივია, უბრალოდ, არ მიიღებ ამ კანონის მიღებაში მონაწილეობას ან შენს ვარიანტს შესთავაზებ, მაგრამ თვითონ ეს ფაქტი, რომ ისინი ხელს არ აწერენ, მე ვფიქრობ, რომ ჩვენი ევროკურსისთვის არის დამაზიანებელი", — ამბობს ხაზარაძე.

გუშინ, 30 მაისს, პოლიტსაბჭოს სხდომის შემდეგ ცნობილი გახდა, რომ ერთიანი ნაციონალური მოძრაობა პარლამენტში შედის. მიუხედავად ამისა, პარტია შარლ მიშელის დოკუმენტს ხელს არ მოაწერს.