საქართველოში ვიზიტად მყოფმა პოლონეთის პრეზიდენტმა, ანდჟეი დუდამ საქართველოსთვის ვაქცინების გარკვეული რაოდენობის გაზიარების მზადყოფნა გამოთქვა. საქართველოს პრეზიდენტთან, სალომე ზურაბიშვილთან ერთად გამართულ პრესკონფერენციაზე მან განაცხადა, რომ ამ საკითხთან დაკავშირებით ვარშავაში დაბრუნებისთანავე პოლონეთის მთავრობის წევრებთან ისაუბრებს.

"ქალბატონ პრეზიდენტთან ერთად ვისაუბრეთ პანდემიის შესახებ. განვაცხადე პოლონეთის ხელისუფლების მზადყოფნა გავუზიაროთ საქართველოს ვაქცინები... ჩვენ შევძლებთ ქართულ მხარეს გავუზიაროთ ვაქცინების გარკვეული რაოდენობა ქართული საზოგადოების საკეთილდღეოდ. მე ქალნატონ პრეზიდენტს შევპირდი, რომ ვარშავაში დაბრუნებისთანავე ამ საკითხზე ვისაუბრებ როგორც პოლონეთის ეროვნული ვაქცინაციის პროგრამის ხელმძღვანელთან, ასევე, პოლონეთის ჯანდაცვისა და პრემიერმინისტრთან და იმედი მაქვს, ამ კუთხითაც შევძლებთ ვაჩვენოთ ქართველებს ჩვენი მეგობრობა და ერთმანეთის მხარდაჭერა, კორონავირუსთან ბრძოლის ასეთ რთულ სიტუაციაში", — განაცხადა დუდამ.

პოლონეთის პრეზიდენტი საქართველოში საქართველოს დამოუკიდებლობის დღის აღსანიშნავ ღონისძიებაზე დასასწრებად ჩამოვიდა. ის, ასევე, პრემიერმინისტრსა და პარლამენტის თავმჯდომარეს შეხვდება.