"ჩვენ ეს დღე გვაძლევს მაგალითს იმისა, როგორ უნდა წავიდეს წინ ქართული საზოგადოება, რომ ჩვენი ქვეყნის დამოუკიდებლობა და ქვეყნის შიგნით მოქალაქეების თავისუფლება აღარასდროს დადგეს იმ საფრთხის ქვეშ, რაც მოყვა დამოუკიდებლობის დღის გამოცხადებას", — განაცხადა ევროპული საქართველოს ლიდერმა, გიგა ბოკერიამ. მანვე აღნიშნა, რომ დამოუკიდებლობის დღეს უნდა გავიხსენოთ ის ადამიანები, ვინც შექმნა ეს დღე და ქვეყნის დამოუკიდებლობისა და თავისუფლებისთვის ბრძოლას შესწირა თავი.

"ეს არის ჩვენი ქვეყნის დამოუკიდებლობის, ჩვენი ქვეყნისა და ჩვენი თავისუფლების დღე. უნდა ვუსურვოთ ყველას თავისუფალ დამოუკიდებელ საქართველოში ცხოვრება. დღეს უნდა გავიხსენოთ ის, როგორ გაერთიანდა ჩვენი საზოგადოება 100 წლის წინ. სხვათა შორის, ძალიან დაპირისპირებული პოლიტიკური ჯგუფებიც კი, რომ ამ ქვეყანას ჰქონოდა შანსი თავისუფალი, დამოუკიდებელი, ევროპული მომავლის", — განაცხადა ბოკერიამ.

დღეს, 26 მაისს ევროპულმა საქართველომ პირველი რესპუბლიკისადმი მიძღვნილი გამოფენა გამართა.