მარკ იორკი, რომელსაც ბევრი მაყურებელი საკულტო სიტკომიდან The Office (ოფისი) ბილი მერჩენტის როლით იცნობს, 55 წლის ასაკში გარდაიცვალა.

როგორც ცნობილია, იორკი, რომელიც 1988 წლიდან პარალიზებული იყო და ეტლით გადაადგილდებოდა, 19 მაისს ჯანმრთელობის მოულოდნელი გაუარესების გამო გარდაიცვალა.

მისი პერსონაჟი, ბილი მერჩენტი ოფისის მეორე სეზონის მე-14 ეპიზოდში ჩნდება, როცა მაიკლ სკოტი დანდერ მიფლინში შეზღუდული შესაძლებლობების შესახებ ცნობიერების ასამაღლებლად შეხვედრას მართავს.

მართალია, მარკ იორკს სერიალში ეპიზოდური როლი ჰქონდა, მაგრამ ოფისის ერთგული ფანებისთვის არ არსებობს ხოლმე მთავარი და მეორეხარისხოვანი პერსონაჟები.

ამის დასადასტურებლად, ემოციურად დაემშვიდობნენ მას სიტკომის სხვა მსახიობები, მათ შორის დვაითის როლის შემსრულებელი, რეინ უილსონი:

"ის შესანიშნავი ადამიანი, დადებითი ენერგიის მატარებელი პიროვნება და ენერგიული მსახიობი იყო. მოგვენატრები", — წერს ის ტვიტერის პირად ანგარიშზე.