დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის, პაატა იმნაძის თქმით, ვაქცინების სარეგისტრაციო პორტალზე მონაცემთა ბევრი ბაზა უკავშირდება ერთმანეთს, ამიტომ, სისტემის შეფერხება უჩვეულო არ უნდა იყოს. კითხვაზე, რატომ ჭედავს booking.moh.gov.ge, მან ასე უპასუხა:

"ილონ მასკის სისტემამ ხომ გაჭედა, არა? გაჭედა. ვაქცინაციაზე თუ გაინტერესებთ, შეგიძლიათ ნახოთ, ამერიკაში რომ დაიწყო ვაქცინაცია, როგორც გაჭედა სისტემამ. ჩეხეთში იყო ამასწინათ, სისტემამ გაჭედა. ცვდება, ტექნიკაა რა. ყველაფერი ხდება. კომპიუტერია, ელექტრონიკაა, უამრავი ბაზები არის ერთმანეთთან დაკავშირებული ამ ვაქცინაციის საკითხებში. აქ უნდა იყოს გადატანილების ბაზა, მეორედ აცრილების ბაზა, ტესტირებულების ბაზა — ყველაფერ ჩართულია ხომ ამ სისტემაში — პირადი მონაცემები, საიდანაც მოქალაქეები იღებენ ადგილს. წარმოიდგინეთ ახლა. ეს ახლა ყველა ქვეყანაში ხდება. კარგით ახლა. ნუ ავაგორებთ ხოლმე ცარიელ ადგილას ზვავს", — განაცხადა პაატა იმნაძემ.

მან აღნიშნა, რომ ორ Sinovac-ზე რეგისტრაციის დაწყებიდან ორ საათში პორტალზე 5000-ზე მეტი ადამიანი დარეგისტრირდა.

დღეს, 21 მაისს, 12:00 საათიდან დაიწყო რეგისტრაცია Sinovac-ის ვაქცინაზე.