დაცული ტერიტორიების სააგენტოს ინფორმაციით, 26 მაისიდან საქართველოს 93-ვე დაცული ტერიტორია მუშაობას განაახლებს. მათ შორის, მარტვილის კანიონი, ოკაცეს კანიონი, ოკაცეს ჩანჩქერი, სათაფლია, პრომეთეს მღვიმე და ნავენახევის მღვიმე.

სააგენტოს ცნობით, ვიზიტორები დაცულ ტერიტორიებზე მოგზაურობას შეძლებენ ყველა იმ რეკომენდაციისა და წესის დაცვით, რომელიც საქართველოს მთავრობისა და ჯანდაცვის მსოფლიო ორგანიზაციის მიერ არის შემუშავებული, კერძოდ:

  • ვიზიტორებმა დახურულ და ღია საჯარო სივრცეში ყოფნისას/გადაადგილებისას უნდა გაიკეთონ პირბადე;
  • ვიზიტორთა ცენტრში, ერთდროულად, შესაძლებელია 5 ვიზიტორის ყოფნა;
  • ვიზიტორებმა უნდა დაიცვან ფიზიკური დისტანცია მინიმუმ 2 მეტრი;
  • რეკომენდებულია, რომ თანხის გადახდა მოხდეს უკონტაქტო გზით ან
    დისტანციურად.