Mytravel ახალი პლატფორმაა, რომელიც უძრავი ქონების გამქირავებლებსა და მაძიებლებს მარტივად დააკავშირებს ერთმანეთს. ეს იქნება საწყისი წერტილი და ახალ შესაძლებლობებს მისცემს ტურისტულ ბიზნესს, რომლის მხარდაჭერაც MY.GE-ის მნიშვნელოვანი მიმართულებაა.

ვებგვერდზე გამქირავებელს შესაძლებლობა ექნება, მარტივად განათავსოს ვებგვერდზე სახლი, ბინა, ოთახი, გესთჰაუსი თუ სასტუმრო, უმასპინძლოს ტურისტებს და მიიღოს დამატებით შემოსავალი.

მასპინძლები შეძლებენ, სრულყოფილად წარმოაჩინონ შეთავაზება: განთავსების პირობები, კვება თუ სხვა დამატებითი მომსახურებები ონლაინ დაჯავშნითა და გადახდის შესაძლებლობით.

ფოტო: MY.GE

განმთავსებლებისთვის ჯავშნების პროცესის მარტივად სამართავად პლატფორმაში ინტეგრირებულია სპეციალური კალენდარი. ამასთანავე, შესაძლებელი იქნება, გადახდის ფორმის არჩევა: ონლაინ გადახდა თუ ადგილზე ანგარიშსწორება. პლატფორმით სარგებლობა ჩართვიდან 3 თვის განმავლობაში უფასო იქნება.

Mytravel ინიციატივით MY.GE ქმნის ახალ შესაძლებლობებს იმ ინდუსტრიისთვის, რომელსაც კრიზისის შემდგომ ვითარებაში ყველაზე მეტად სჭირდება ხელშეწყობა. მომავალში, პლატფორმის განვითარებასთან ერთად, დაგეგმილია ახალი ისეთი შესაძლებლობების ინტეგრაცია პლატფორმაში, რომელიც როგორც ტურისტს, ასევე მასპინძელს მისცემს შესაძლებლობას, კიდევ უფრო მარტივად იპოვონ ერთმანეთი და ვებგვერდიდან გაუსვლელად მიიღონ სრულყოფილი მომსახურება. ასევე, პლატფორმიდანვე დაჯავშნონ სხვადასხვა აქტივობები, ტურები თუ სხვა საინტერესო აქტივობები.

MY.GE-სთვის ყოველთვის მნიშვნელოვანი იყო შიდა ტურიზმის ხელშეწყობა. ამ მიზნით, გასული წლის ზაფხულში, შიდა ტურიზმის მხარდასაჭერად, კომპანიამ უხელმძღვანელა მასშტაბურ საკომუნიკაციო კამპანიას — შენი ზაფხული აქ არის, რომელიც ტურიზმის ეროვნული ადმინისტრაციის მიერ აღიარებულ იქნა როგორც საუკეთესო PR კამპანია შიდა ტურიზმის მხარდასაჭერად.