20-22 მაისს DataFest Online იმართება, რომლის თემატიკაა All About AI. DataFest Online DataFest Tbilisi-ის ციფრული გამოშვებაა. DataFest კი ხუთი წარმატებული საფესტივალო წლის შემდეგ, თამამად შეგვიძლია ვთქვათ, რომ უკვე ტრადიციული ღონისძიებაა. როგორც ამბობენ, ეს არის აღმოსავლეთ ევროპასა და ცენტრალურ აზიაში ყველაზე პრესტიჟული ყოველწლიური მონაცემთა ფესტივალი, სადაც მონაცემებით დაინტერესებული პროფესიონალები იყრიან თავს, ერთმანეთს შთაგონებას უზიარებენ და მნიშვნელოვანი კავშირების დამყარებასაც ახერხებენ. LIVE BLOG-ის დახმარებით ციფრული გამოშვების მიმდინარეობას ავსახავთ და NEXT.On.ge-ის გუნდის მიერ, გამოსვლებში დანახულ მნიშვნელოვან აქცენტებს შემოგთავაზებთ.