ევროპული საქართველოს ყოფილი თავმჯდომარე, დავით ბაქრაძე პარლამენტში მივიდა. მისი თქმით, არ აპირებს კომიტეტის თავმჯდომარეობაზე საკუთარი კანდიდატურის დაყენებას.

"ოპოზიციას უნდა ჰქონდეს კომიტეტის თავმჯდომარეების და დელეგაციის ხელმძღვანელის თანამდებობები. მე, ასევე, მივიღე გადაწყვეტილება, რომ არ დავაყენებ საკუთარი კანდიდატურას ამ თანამდებობებზე. დავუთმობ მას ოპოზიციონერ კოლეგებს და პარლამენტში ჯერჯერობით მაინც უახლოეს მომავალში მუშაობას გავაგრძელებ როგორც პარლამენტის რიგითი წევრი, უპარტიო, უფრაქციო რიგითი პარლამენტარი", — ამბობს ბაქრაძე.

პარლამენტში პირველი ოპოზიციური ფრაქცია, ლელო — პარტნიორობა საქართველოსთვის შეიქმნა. მისი თავმჯდომარე ლელოს გენერალური მდივანი, ბადრი ჯაფარიძე იქნება. ლელოს წევრებთან ერთად, ფრაქციის წევრები იქნებიან დეპუტატები შალვა შავგულიძე, არმაზ ახვლედიანი და სალომე სამადაშვილი. სწორედ სამადაშვილი იქნება ფრაქციის თავმჯდომარის მოადგილე.

დავით ბაქრაძემ ევროპული საქართველო 10 აპრილს დატოვა და პარტიული პაუზის აღება დააანონსა.