ნაციონალური მოძრაობის თავმჯდომარის, ნიკა მელიას განცხადებით, ვახო მეგრელიშვილი და იაგო ხვიჩია ფიქრობენ, რომ ისინი ვადამდელი არჩევნებისთვის მზად არ არიან.

"ვახო მეგრელიშვილი, მაღალი ალბათობით და ბატონი იაგო ხვიჩია ფიქრობენ, რომ დღეს ისინი ვადამდელი არჩევნებისთვის მზად არ არიან და ისინი ვერ მოხვდებიან და ბუნებრივია. ბატონი ალეკო ელისაშვილი, მაგალითად. ვფიქრობ, შეიძლება გაბრაზდეს რომ მოისმენს, მაგრამ იწყევლება, იქეთ ხან იმას მიაწყევლის, ხან მე მომაწყევლის, არ არის ის ალეკო, რომელიც მე მახსოვს. მე მგონია, რომ მას არ უნდა, რომ ვადამდელი არჩევნები ჩატარდეს", — ამბობს მელია TV პირველის ეთერში.

ნიკა მელიამ რუსთავის #12 ციხე გუშინ, 10 მაისს დატოვა. პროკურატურამ თბილისის საქალაქო სასამართლოს აღკვეთის ღონისძიების გირაოთი შეცვლის შუამდგომლობით 9 მაისს მიმართა.