საგანგებო სიტუაციების მართვის სამსახურის ცნობით, თბილისში, დიდუბის რაიონში თორნიკე ერისთავის ქუჩაზე გაჩენილი ხანძარი ლიკვიდირებულია. მათივე ინფორმაციით, ცეცხლი სასაწყობე ტერიტორიაზე იყო გავრცელებული.

"მიმდებარე ტერიტორიიდან, მეხანძრე-მაშველებმა, უსაფრთხოების მიზნით, 150-მდე ადამიანი გამოიყვანეს და ხანძრის ქრობის აქტიური სამუშაოები დაიწყეს. არსებობდა ცეცხლის დიდ ფართობზე გავრცელების საფრთხე, თუმცა დროული რეაგირების შედეგად ხანძრის ლოკალიზება და შემდგომში სრული ლიკვიდირება მოხერხდა", — აცხადებენ საგანგებო სიტუაციების მართვის სამსახურში.

მათივე თქმით, შემთხვევის შედეგად არავინ დაშავებულა.