საგანგებო სიტუაციების მართვის სამსახურის განცხადებით, სოფელ ნამოხვანში გაუჩინარებული ახალგაზრდა კაცის, ნიკა ანთიძის ცხედარი იპოვეს. მოქალაქის ცხედარი წყლიდან უკვე ამოსვენებულია და ოჯახის წევრის მხრიდან იდენტიფიცირებულია.

მდინარე რიონში კაცი 10 აპრილს გაუჩინარდა. რამდენიმე დღის წინ მის მოსაძებნად ჰესების სათავე-ნაგებობის საგუბარები წყლისგან დაიცალა.

გაუჩინარების დღეს ნიკა ანთაძე რიონის ხეობაში ნამახვანჰესის საპროტესტო აქციაზე იმყოფებოდა. როგორც აქტივისტები ყვებიან, წყალში შესვლამდე ანთიძემ თავისი ტელეფონი გამვლელს მიაწოდა.

გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.