სერიალ მხევლის წიგნს სხვა ყველა ღირსებასთან ერთად მომავლის შემაშფოთებელი პროგნოზების გადმოცემის გამო აფასებენ. ვიმედოვნოთ, რომ იქ აღწერილი სამყარო რეალობაში ვერასდროს შეისხამს ხორცს, თუმცა საქართველოში თითქმის 30 წლის წინ გამართულ სილამაზის კონკურსზე კი ლამის ერთი ერთში იწინასწარმეტყველეს ამ სერიალში გამოყენებული სამოსის სტილი.

მარგარეტ ეტვუდის ამავე სახელწოდების მქონე საკულტო რომანის მიხედვით გადაღებული მხევლის წიგნი ბოლო დროის ერთ-ერთი ყველაზე პოპულარული სატელევიზიო შოუა, რომელიც მაყურებლის ყურადღებას მაშინვე იქცევს თავისი განსაკუთრებული ესთეტიკით: გადაღება, ატმოსფერო და სამოსიც კი თვალისმომჭრელია.

ამის გამო პერსონაჟების, მხევლების ჩაცმულობა — წითელი კაბა და თეთრი თავსაბურავი არა მხოლოდ სერიალის, არამედ რეალურ ცხოვრებაში ქალთა უფლებებისთვის ბრძოლის სიმბოლოდაც გადაიქცა.

კადრი სერიალიდან მხევლის წიგნი.

ფოტო: Hulu

ქალები თეთრი სახლის წინ საპროტესტო აქციაზე მხევლის წიგნის სამოსით.

ფოტო: EPA-EFE/Jim Lo Scalzo

თუმცა შეგვიძლია თამამად ვივარაუდოთ, რომ ამ შთამბეჭდავი სამოსის დიზაინერი პირველი არ არის, ვინც მსგავს კონცეფციაზე დაფიქრდა.

სერიალების მოყვარულთა ჯგუფში ერთი სერიაც და... მაყურებლის მახვილმა თვალმა საინტერესო მსგავსება შენიშნა: დილის შოუს სიუჟეტში, რომელიც 1994 წლის მის საქართველოს მიეძღვნა, ნაჩვენები საკონკურსო სამოსი მეტისმეტად ჰგავს მხევლის წიგნის მოდას.

ფოტო: დილის შოუ / სქრინი

ფოტო: დილის შოუ / სქრინი

იქნებ, სერიალის დიზაინერი ამ ჩვენებას ესწრებოდა?!

ფოტო: დილის შოუ / სქრინი

ფოტო: დილის შოუ / სქრინი

როგორც ამბობენ, მოდა წინ უნდა უსწრებდეს დროს და ქართველმა დიზაინერებმა 1994 წელს დისტოპიური სამყაროსთვის შესაფერისი, სამეცნიერო ფანტასტიკის დონის სტილი შემოგვთავაზეს.

ეს კაბები სერიალიდან, ალბათ, უფრო მართებს შეეფერებათ.

ფოტო: დილის შოუ / სქრინი