მსოფლიოში კრიპტორევოლუციის ახალი ეტაპი მიმდინარეობს და ამ ტენდენციას საქართველოს ბიზნეს სექტორიც მიყვება. ქართული კომპანიებისთვის გადახდების მიღების ახალი, ალტერნატიული შესაძლებლობა გამოჩნდა, რომელიც ბიზნესებს პროდუქტის/მომსახურების რეალიზებას კრიპტოვალუტით სთავაზობს. გასულ კვირას მეგატექნიკამ, საყოფაცხოვრებო ტექნიკის მაღაზიათა ქსელმა, მომხმარებლისთვის ტექნიკის ონლაინ შეძენა კრიპტოვალუტის საშუალებით ხელმისაწვდომი გახადა. მომხმარებელს გადახდის განხორციელება 5 კრიპტოვალუტით, ნებისმიერი კრიპტოსაფულის მეშვეობით, ერთჯერადად დაგენერირებული QR კოდის მარტივი სკანირებით შეუძლია. კომპანია კი პროდუქტის ზუსტ ღირებულებას მომენტალურად, პირდაპირ ლარში იღებს, რაც საკმაოდ მოსახერხებელია ნებისმიერი ტიპის ბიზნესისთვის.

მეგატექნიკის მარკეტინგის მენეჯერი ნინო ავალიშვილი აცხადებს, რომ პროექტი საკმაოდ წარმატებული, მიღებული შედეგი კი მოსალოდნელზე ბევრად დიდი აღმოჩნდა.

"კომპანიებისთვის დღევანდელ რეალობაში ტექნოლოგიური სიახლეების მიღება და პროდუქტის შეძენის პროცესის გამარტივება სასიცოცხლოდ აუცილებელია, რის გამოც მივიღეთ გადაწყვეტილება, დაგვენერგა კრიპტოგადახდების მიღების არხი, CityPay.io კი ტექნიკურად დაგვეხმარა ამ პროექტის წარმატებით განხორციელებაში", — ამბობს ნინო ავალიშვილი.

"საქართველოში უფრო და უფრო იზრდება კრიპტოვალუტის მფლობელთა რიცხვი, ბოლო პერიოდში კიდევ უფრო გაიზარდა ინტერესი ამ სფეროს მიმართ. კრიპტოს მფლობელისთვის აქამდე კრიპტოთი გადახდა რამოდენიმე ოპერაციის განხორციელებასთან იყო დაკავშირებული, რაც მეტ დროსა და ზედმეტად გადახდილ საკომისიოებს გულისხმობდა. ჩვენ, Citypay.io-ს გუნდმა, გადახდის მიღება კომპანიებისთვის პირდაპირ კრიპტოვალუტით გავხადეთ შესაძლებელი და ამით პროდუქტის/მომსახურების შეძენის პროცესი უფრო გავამარტივეთ და გავხადეთ ბევრად უფრო იაფი, ვიდრე თუნდაც სტანდარტული საბარათე გადახდის ოპერაციაა", — აცხადებს ბექა ქემერტელიძე, CityPay.io-ის თანადამფუძნებელი.

ფოტო: მეგატექნიკა

პლატფორმა CityPay.io ხელმისაწვდომია ყველა დაინტერესებული ბიზნესისთვის და მარტივი რეგისტრაციის პროცესის გავლისა და ვერიფიკაციის შემდეგ, ნებისმიერ კომპანიას ექნება შესაძლებლობა, მომენტალურად მიიღოს გადახდა კრიპტოვალუტაში. სისტემის ჩაშენება პარტნიორი კომპანიის ვებგვერდზე როგორც API ინტეგრაციით, ასევე უფრო მარტივი გზით — Wordpress Plugin-ის ინტეგრირებით, რაც რამდენიმე წუთში ხდება. კომპანია ასევე POS გადახდებისთვის კომპანიებს სავაჭრო ობიექტზე გადახდების ადგილზე მიღების სერვისსაც სთავაზობს. რაც მთავარია, გადახდა მიიღება კრიპტოვალუტის კურსის ცვლილებისას შესაძლო დანაკარგების გარეშე, ინტეგრაცია კი სრულიად უფასოა.