სტრატეგია აღმაშენებლის ერთ-ერთი ლიდერის, პაატა მანჯგალაძის თქმით, თუ ქართული ოცნება დაიწყებს მტკიცებას, რომ ამნისტიის კანონი უნდა გავრცელდეს პოლიტიკური თანამდებობის პირებზე, ეს ნიშნავს, რომ მმართველი პარტია აღიარებს აქციის დაშლის უკანონობას.

"თუ ქართული ოცნება დაიწყებს იმის მტკიცებას, რომ ეს ამნისტია უნდა გავრცელდეს მაღალი პოლიტიკური თანამდებობის პირებზე, ეს ნიშნავს იმას, რომ ქართული ოცნება აღიარებს იმას, რომ აქციის დაშლა მოხდა უკანონოდ და ჩადენილია კონკრეტული სისხლის სამართლებრივი დანაშაული. ეს აბსოლუტურად ცვლის რეალობას. ჩვენ ამის შესახებ, ამ ეტაპზე, ინფორმაცია არ გვაქვს", — განაცხადა პაატა მანჯგალაძემ.

ევროპული საბჭოს პრეზიდენტის, შარლ მიშელის ინიციატივით შექმნილი დოკუმენტის იმ ნაწილზე, სადაც 20 ივნისის საქმეზე ბრალდებულების ამნისტირებაზეა საუბარი, განსხვავებული ინტერპრეტაციები ვრცელდება.

სტრატეგია აღმაშენებლის ლიდერმა, გიორგი ვაშაძემ განაცხადა, რომ ამნისტია არ შეეხებათ მათ, ვინც უკვე არაა მიცემული სისხლის სამართლებრივ პასუხისგებაში. ვაშაძემ პირდაპირ თქვა, რომ ამნისტია ყოფილ პრემიერმინისტრის, გიორგი გახარიას, რომელიც 20 ივნისის აქციის დროს შს მინისტრი იყო, არ შეეხება. ქართული ოცნების თავმჯდომარე, ირაკლი კობახიძე კი ამბობს, რომ ამნისტია უნდა შეეხოს ყველას, ვისთან დაკავშირებითაც უკვე აღიძრა ან მომავალში შეიძლება აღიძრას საქმე.

გაიგეთ მეტი: