დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის, ამირან გამყრელიძის განცხადებით იმუნიზაცია უნდა იყოს ქვეყნის მთავარი გამოწვევა მიმდინარე წელს. იგი მოუწოდებს ცნობად სახეებსა და ხელისუფლებას, ასაკის შესაბამისად, ჩაერთონ ვაქცინაციის პროცესში.

"ძალიან მნიშვნელოვანია თითოეულ მუნიციპალიტეტში ცნობადი სახეების მეტი აქტიურობა, ადგილობრივი ხელისუფლების მეტი აქტიურობა, რომ ეს [ვაქცინაციის] პროცესი, მთელი წლის განმავლობაში უნდა იყოს ძალიან აქტიური. წელს იმუნიზაცია უნდა იყოს ქვეყნის ნომერი პირველი პრობლემა, იმიტომ, რომ იმუნიზაციაშია გასაღები ქვეყნის ეკონომიკის გახსნის, ჩვენი ნორმალურ ცხოვრებაში დაბრუნების და ღირსეული ცხოვრების

[...] იმუნიზაცია გახლავთ ყველაზე დიდი სიკეთე, რომელმაც უნდა დაამარცხოს ეს ვერაგი მტერი, რასაც კორონავირუსული ინფექცია ჰქვია", — განაცხადა ამირან გამყრელიძემ.

23 აპრილის მონაცემებით, ბოლო 24 საათში კორონავირუსის 1 271 შემთხვევა დაფიქსირდა და გარდაიცვალა 11 ადამიანი. ასევე, ბოლო 24 საათში კორონავირუსის საწინააღმდეგო ვაქცინა 1 560-მა ადამიანმა გაიკეთა, სულ აცრილია — 34 897 ადამიანი.