ერთიანი ნაციონალური მოძრაობის წევრის, რომან გოცირიძის თქმით, შარლ მიშელმა შეიძლება პოლონეთის პარლამენტის თავმჯდომარე ვინ არის არ იცოდეს, თუმცა იაგო ხვიჩია ეცოდინება.

"თავად ევროპელები ამბობენ, რომ საქართველო არასდროს ისტორიაში არ ყოფილა მსგავსი ყურადღების ქვეშ. შარლ მიშელს რომ ჰკითხო ვინ არის პოლონეთის პარლამენტის თავმჯდომარე, ვერ გეტყვის, მაგრამ იაგო ხვიჩია ვინ არის რომ ჰკითხოთ, [იცის]. საქართველოს პოლიტიკური ვითარება და პოლიტიკური კლასი გაიცნეს თავის პლუსებით და მინუსებით და ხელისუფლებაც", — განაცხადა გოცირიძემ პალიტრანიუსის ეთერში.

19 აპრილს ევროპული საბჭოს პრეზიდენტის, შარლ მიშელის ახალ დოკუმენტს შვიდმა პოლიტიკურმა პარტიამ და რამდენიმე დამოუკიდებელმა დეპუტატმა მოაწერა ხელი. ხელმოწერის ცერემონია პრეზიდენტის სასახლეში გაიმართა და ონლაინ-რეჟიმში თავად მიშელიც დაესწრო.

დოკუმენტზე ხელმოწერაზე უარი თქვეს ნაციონალურმა მოძრაობამ და ევროპულმა საქართველომ. ასევე, ლეიბორისტულმა პარტიამ. თუმცა, აღსანიშნავია, რომ ამ პარტიებიდან ცალკეულმა დეპუტატებმა დოკუმენტს ხელი ინდივიდუალური გადაწყვეტილების საფუძველზე მოაწერეს.

გაიგეთ მეტი: