პოლიტიკოსის, სალომე სამადაშვილის განცხადებით, ევროპარლამენტის წევრების ჯგუფს ნაციონალური მოძრაობის ლიდერის, ნიკა მელიას თავდებობის შესახებ წერილით მიმართა.

"იმედია, საქართველოს ხელისუფლებას ეყოფა ნებისყოფა და დათანხმდება ამ წინადადებას. ვუერთდები ლელოს ინიციატივას და მეც თხოვნით მივმართე ევროპარლამენტის წევრების ჯგუფს, ნიკა მელიას თავდებობის შესახებ. ცხადია, ასევე მზად ვარ მას თავდებში პირადად დავუდგე. აღსანიშნავია, რომ შეთანხმების ტექსტში ფორმულირება ითვალისწინებს ყველა შესაძლო გზას ნიკას გასთავისუფლებლად, არა მხოლოდ გირაოს და ამნისტიას", — წერს სამადაშვილი.

დღეს ლელოს ლიდერებმა ბრიუსელში ვიზიტისას ევროპარლამენტარებს შესთავაზეს, რომ თავდებში დაუდგნენ ნაციონალური მოძრაობის თავმჯდომარეს, ნიკა მელიას.

ლელოს ლიდერებმა, მამუკა ხაზარაძემ, ბადრი ჯაფარიძემ და გრიგოლ გეგელიამ საქმიანი ვიზიტით ბრისუელში გამგზავრება 16 აპრილს დააანონსეს. მოგვიანებით, ევროპული საბჭოს პრეზიდენტის, შარლ მიშელის საქართველოში ჩამოსვლის გამო გამგზავრება ერთი დღით გადადეს.