უფროსმა პროკურორმა, ზაზა დათუკიშვილმა თანამდებობა დატოვა. ამის შესახებ მან ფეისბუქზე დაწერა. დათუკიშვილი ბოლო ოთხი წლის განმავლობაში ნაფიც მსაჯულათა სასამართლოს პროკურორი იყო. ის ბრალდების მხარეს წარმოადგენდა ხადას ხეობის საქმეში, სადაც ბრალდებულ მალხაზ კობაურს უვადო თავისუფლების აღკვეთა მიუსაჯეს.

როგორც მან დაწერა, ამ ინსტიტუტის და დამოუკიდებელი მართლმსაჯულების განვითარება ნაკლებად რეალური ხდება.

"თუმცა, 10-წლიანი მოღვაწეობის მიწურულს ქვეყანაში შექმნილი ვითარება მაფიქრებინებს, რომ ამჟამინდელი როლითა და რესურსით ამ ინსტიტუტის და დამოუკიდებელი მართლმსაჯულების განვითარების ხელშეწყობა ნაკლებად რეალური ხდება. სწორედ ამიტომ, გადავწყვიტე დავტოვო პროკურორის თანამდებობა, მივიღო ახალი გამოწვევა და განვაგრძო დამოუკიდებელი მართლმსაჯულების სისტემის მშენებლობისთვის ბრძოლა აწ უკვე სამოქალაქო სექტორიდან", — განაცხადა ყოფილმა პროკურორმა.