ინსტიტუციური და შესაძლებლობების განვითარების ცენტრი | ICDC, HR პროფესიონალთა ასოციაციასთან | HRPA • Georgia-სთან პარტნიორობითა და გაეროს ქალთა ორგანიზაციის | UN WOMEN Georgia-ს მხარდაჭერით ახორციელებს განსაკუთრებულ პროექტს, რათა გააძლიეროს HR & OD პროფესიონალების კომპეტენციები. აღსანიშნავია, რომ გენდერული თანასწორობის კორპორაციულ ღირებულებად ქცევა და ორგანიზაციებში დანერგვა მათ გარეშე შეუძლებელია.

პროექტი მიზნად ისახავს გენდერული თანასწორობისა და ქალთა გაძლიერების საკითხებზე ცნობიერების ამაღლებას, ორგანიზაციებში მენტორშიპის პროგრამების წარმატებულად დანერგვის მიმართულებით. ძალიან მნიშვნელოვანია ის ფაქტი, რომ პროექტი არა მხოლოდ კომპეტენციების განვითარებასა და სრულყოფაზეა მიმართული, არამედ ის უზრუნველყოფს ძალიან ხელშესახები და პრაქტიკაში გამოსაყენებელი მატერიალიზებული შედეგების შექმნას. HR პროფესიონალებს პროექტის ფარგლებში გადაეცათ უმნიშვნელოვანესი HR პოლიტიკებისა და ორგანიზაციული პროცესების მარეგულირებელი დოკუმენტების პაკეტი, რომლის დანერგვა და ადაპტირება მოხდება კონკრეტული ორგანიზაციების სპეციფიკებისა და შიდა სტანდარტების გათვალისწინებით.

პროექტის პირდაპირი ბენეფიციარები სხვადასხვა სფეროების წარმომადგენელი HR & OD პროფესიონალები არიან. სწორედ მათი როლისა და HR-ის, როგორც სტრატეგიული ფუნქციის მნიშვნელობის ხელშესაწყობად, ხდება HR პროფესიონალების გაძლიერება და მათი პოზიციონირება, როგორც უმნიშვნელოვანესი ამბასადორების კომპანიებში, რომლებიც აქტიურად შეუწყობენ ხელს გენდერული თანასწორობის პრინციპების გატარებასა და ქალთა გაძლიერების საკითხების ინსტიტუციონალიზაციას.

პროგრამის მონაწილეებმა 6-დღიანი ვრცელი ტრენინგი გაიარეს და გენდერული თანასწორობის, ქალთა გაძლიერებისა და მენტორინგის შესახებ ცოდნა გაიღრმავეს.

პროექტისთვის შერჩეულ HR და OD პროფესიონალებს დასკვნით ღონისძიებაზე გადაეცათ სერტიფიკატები, რომელიც ადასტურებს პროგრამის წარმატებით დასრულებას და ისინი, როგორც HR მენტორები გენდერული თანასწორობისა და ქალთა გაძლიერების საკითხებში გახდნენ HR HOME COMMUNITY & HR MENTORSHIP CLUB-ის ოფიციალური წევრები.

პროექტის პარტნიორია HR პროფესიონალთა ასოციაცია I HRPA • Georgia, ხოლო პროექტის აქტივობების ორგანიზებას ერთ-ერთი მხარდამჭერი და ძლიერი პარტნიორი ადამიანების პიროვნული და პროფესიული განვითარების ეკოსისტემა — HOME და მისი უმნიშვნელოვანესი პლატფორმა HR HOME სრულად ახორციელებდა.

გაეროს ქალთა ორგანიზაციას მნიშვნელოვანი როლი აქვს HR & OD პროფესიონალების განვითარებაში. გაეროს ქალთა ორგანიზაცია, ICDC-სა და HRPA-სთვის ძალიან მნიშვნელოვანი პარტნიორია, რომელიც მხარს უჭერს ადამიანური რესურსების პროფესიონალებს გრძელვადიანი შესაძლებლობების განვითარების სისტემის შექმნას, რაც ხელს შეუწყობს ცნობიერების ამაღლებას და მათი კომპეტენციების გაფართოებასა და გაღრმარებას საკითხებზე როგორებიცაა: გენდერული თანასწორობის საკითხები და ქალთა გაძლიერებისა და მენტორობის პროგრამები.