თაკო ჩარკვიანის განცხადებით, მისი და გიორგი ვაშაძის პოლიტიკური გზები "ძალაუნებურად გაიყო". ამის შესახებ მან ინტერპრესნიუსს მას შემდეგ განუცხდა, რაც სტრატეგია აღმაშენებლის ლიდერმა შარლ მიშელის ახალ დოკუმენტს ხელი მოაწერა.

ჩარკვიანი ხელმოწერას "პროცესის ღალატად" აფასებს და ამბობს, რომ "როცა ქართული ოცნება ჩამოშლის პროცესშია, ოპოზიცია მას არ უნდა შეყუდებოდა".

მისივე თქმით, დოკუმენტი ბუნდოვანია და მასზე ხელმოწერა იგივე წყალში შესვლას ნიშნავს.

"წარმოდგენილი დოკუმენტით ხუთი წელი მთავარ პროკურორს ვერ ცვლი, ცესკოს თავმჯომარე თამარ ჟვანია არ იცლება. რამდენჯერ მოგისმენიათ ჩემგან და გიორგი ვაშაძისგან ციფრული ტექნოლოგიების დანერგვის შესახებ. ამ დოკუმენტში მსგავსი არაფერი წერია და ვერც მოესწრება. მართლა მაინტერესებს, ვის ვატყუებთ - საკუთარ თავს თუ ხალხს?! რომ დამენახა, რომ სისტემური რეფორმები შესაძლებელია, რაღაცაზე დაილაპარაკებ, მაგრამ ამ დოკუმენტით პარლამენტში როგორ უნდა შეხვიდე?! ჩიტი ბრდღვნად უნდა ღირდეს - უნდა იცოდე, რისთვის აკეთებ ამას!", — აცხადებს თაკო ჩარკვიანი.

IPN-ს ინფორმაციით, კითხვაზე, მიმართავს თუ არა პარლამენტს სადეპუტატო უფლებამოსილების შეწყვეტის მოთხოვნით კიდევ ერთხელ, თაკო ჩარკვიანმა განაცხადა, რომ რა პროცედურაც იქნება საჭირო, იმას გააკეთებს.