ფინანსთა სამინისტროს შემოსავლების სამსახურმა 13-19 თებერვალს საგადასახადო მონიტორინგის სამსახურმა 6 934 გადამხდელი შეამოწმა. გადამხდელების შემოწმებით 758 სამართალდარღვევის ფაქტი გამოვლინდა. ეს ინფორმაცია შემოსავლების სამსახურის ვებგვერდზეა განთავსებული.

უწყების მიერ გავრცელებული ინფორმაციიდან ირკვევა, რომ შემოწმებისას გამოვლინდა: საქონლის სასაქონლო ზედნადების გარეშე ტრანსპორტირების 71, ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების 90 და მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 597 შემთხვევა.