გირჩის ლიდერის, ვახტანგ მეგრელიშვილის განცხადებით, მოლაპარაკებებზე განიხილავდნენ, რომ გიორგი რურუას საპატიმრო 3 თვეში დაეტოვებინა და ელექტროსამაჯური ეტარებინა. მისი თქმით, ეს საკითხი დოკუმენტში არ ჩაწერილა და ზეპირსიტყვიერად განიხილავდნენ.

"იქ შეხვედრაზე ითქვა, მე უბრალოდ გაგიზიარებთ. არ ვიცი ეს უნდა ვთქვა თუ არა, მაგრამ ნამდვილად კი, ითქვა, რომ გიორგი რურუას საკითხი გადაწყვეტილიყო სამ თვეში. რაღაცა მექანიზმი იყო შემოთავაზებული, რომელზეც არ მახსოვს, რომ რომელიმე მხარე პირდაპირ დათანხმებულიყო ესეთი, რომ ეთქვას, აი, მოგვწონს და ა.შ." — განაცხადა მან.

წამყვანის დამაზუსტებელ კითხვაზე, იყო თუ არა საუბარი ე.წ. უდოზე, მეგრელიშვილი პასუხობს:

"დიახ, დიახ. ე.წ. სამაჯურით გამოსვლაზე იყო საუბარი. მაგრამ ეს საკითხი ბოლომდე არ მისულა, მაგრამ შემოთავაზებული [იყო]".

მეგრელიშვილი ამბობს, რომ არ იცის რატომ ჩაწერა დანიელსონმა ეს საკითხი დოკუმენტში, მაგრამ დაზუსტებით ახსოვს, რომ განიხილავდნენ.