ხობის მუნიციპალიტეტის ერთ-ერთ სოფელში 79 წლის კაცმა შვილიშვილი დაჭრა. შინაგან საქმეთა სამინისტროში აცხადებენ, რომ ოჯახური კონფლიქტის დროს 24 წლის ახალგაზრდას ცივი იარაღით გულ-მკერდის არეში დაზიანებები მიაყენა. მათივე ცნობით, დაჭრილი გადაყვანილია კლინიკაში, სადაც შესაბამისი მკურნალობა უტარდება.

შსს-ს ინფორმაციით, ბაბუა დანაშაულის ჩადენიდან მალევე ხობის მუნიციპალიტეტში დააკავეს. "პოლიციამ დანაშაულის იარაღი — დანა ნივთმტკიცების სახით ამოიღო", — აცხადებენ უწყებაში.

ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის მცდელობის საქმეზე გამოძიება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის "ვ" ქვეპუნქტით მიმდინარეობს.

დანაშაული 13-დან 17 წლამდე ვადით თავისუფლების აღკვეთას ითვალისწინებს.