15, 16, 17 აპრილს საქართველოს ეროვნული უნივერსიტეტი SEU ონლაინ საერთაშორისო საგაზაფხულო სკოლას მასპინძლობს, რომლის თემაა: "საქართველოს ევროპული და ევროატლანტიკური ინტეგრაციის პროცესი". ღონისძიებაში SEU-ს პროფესორებთან ერთად მონაწილეობას იღებენ NATO-სა და ევროკავშირის ელჩები და დარგის წამყვანი ექსპერტები აშშ-ის საელჩოსა და საქართველოს საგარეო საქმეთა სამინისტროდან.

ღონისძიების მიზანია ევროპულ სივრცეში, საქართველოს სტრატეგიისა და მისი ინტეგრაციის შესახებ მსჯელობა. მონაწილეები გაიღრმავებენ ცოდნას ევროპული და ევროატლანტიკური ინტეგრაციის პროცესებთან მიმართებაში.

განსახილველი თემები, სხვადასხვა მნიშვნელოვან და სიღრმისეულ საკითხებს მოიცავს. შთამბეჭდავად გამოიყურება მონაწილეთა სიაც:

  • თამარა წულეისკირი - ნატოსა და ევროკავშირის შესახებ საინფორმაციო ცენტრის დირექტორი;
  • ვიქტორ დოლიძე - საქართველოს ელჩი ნატოში;
  • ელჩი მარეკ შჩიგელი - საქართველოში ევროკავშირის სადამკვირვებლო მისიის ხელმძღვანელი;
  • ვახტანგ მაისაია - საქართველოს ეროვნული უნივერსიტეტი SEU-ს პროფესორი;
  • გელა ცაავა - საქართველოს ეროვნული უნივერსიტეტი SEU-ს პროფესორი;
  • დავით ძიძიშვილი - "სტრატეგიული კომუნიკაციების ცენტრი - საქართველოს" კვლევისა და ანალიზის დეპარტამენტის დირექტორი;
  • დავით ბუჯიაშვილი - ევროკავშირის დახმარების კოორდინაციის და სექტორული ინტეგრაციის დეპარტამენტის დირექტორი;
  • ნინო ოხანაშვილი - საქართველოს ეროვნული უნივერსიტეტი SEU-ს პროფესორი;
  • თორნიკე შურღულაია - საქართველოს ეროვნული უნივერსიტეტი SEU-ს პროფესორი.

აღნიშნული, საერთაშორისო საგაზაფხულო სკოლის ორგანიზატორია SEU-ს საერთაშორისო ურთიერთობების პროგრამა და საერთაშორისო ურთიერთობების სამსახური.

ღონისძიებაში მონაწილეობას იღებენ სტუდენტები, როგორც საქართველოს სხვადასხვა უნივერსიტეტიდან, აგრეთვე, SEU-ს საერთაშორისო პარტნიორი უნივერსიტეტებიდან.

პროგრამის წარმატებით დასრულების შემდეგ, ყველა მონაწილე მიიღებს საერთაშორისო სერტიფიკატს, რომელიც გაიცემა - "საინფორმაციო ცენტრ ნატოსა და ევროკავშირის შესახებ" მიერ.

საგაზაფხულო სკოლაში მონაწილეობა შეუძლია ყველა უნივერსიტეტის სტუდენტს.
რეგისტრაციისთვის და დეტალური ინფორმაციისთვის ეწვიეთ ბმულს.

აღსანიშნავია, რომ საქართველოს ეროვნული უნივერსიტეტი SEU-ს საერთაშორისო ურთიერთობების პროგრამა მუდმივად, ჩართულია ქვეყნისთვის სტრატეგიულად მნიშვნელოვანი საკითხების განხილვაში და სტუდენტებს ყოველთვის აძლევს დამატებით შესაძლებლობას პროფესიული განვითარების კუთხით.