ადგილობრივების თქმით, ტრაქტორმა გადახნა ტერიტორია, რომელზეც კარვები იდგა

ფოტო: კადრი ვიდეოდან / ნუგზარ გოდოლაძე
რიონის ხეობაში მყოფი აქტივისტები აცხადებენ, რომ ნამოხვანჰესის მშენებელმა კომპანია ENKA-მ ის ტერიტორია გადახნა, სადაც კარვები ჰქონდათ გაშლილი. აღნიშნული კარვები გუშინ, 11 აპრილს პოლიციამ დაშალა.
აქტივისტი ვარლამ გოლეთიანი ფეისბუქლაივის ჩართვის დროს ამბობს, რომ ტერიტორია, სადაც კარვები იყო განთავსებული, ადგილობრივი მაცხოვრებლის, ლალი ეფრემიძის იყოს.
"ჩემთვის პირადად ეს სანახაობა შოკისმომგვრელი იყო. ლალი ტიროდა, პრაქტიკულად, მისი ეზო, ტრაქტორმა გადახნა, გადააბრუნა. იქ ჰქონდა ნარგავები. ოჯახი ამუშავებდა ამ მიწას და სარგებლობდა ამ ტერიტორიით. გადააბრუნეს ეს ტერიტორია და ნარგავებიც მოთხარეს", — აცხადებს გოლეთიანი.
ამასთან დაკავშირებით On.ge კომპანია ENKA-ს დაუკავშირდა. მათი განცხადების თანახმად, აღნიშნული ტერიტორია 2019 წლიდან ნამახვანჰესის პროექტის საკუთრებაა.
ENKA-ში აცხადებენ, რომ მიწის ფაქტობრივი მოსარგებლე ლალი ეფრემიძის დისშვილი, შორენა ეფრემიძეა, რომელიც ნ აკვეთს ამუშავებდა. კომპანიაშივე აღნიშნავენ, რომ კომპენსაციის სახით გადახდილია 70 ათასი ლარი.
On.ge დაინტერესდა, ტერიტორია, რომელიც ტრაქტორმა დაამუშავა, ეკუთვნის თუ არა ENKA-ს. კომპანიაში აცხადებენ, რომ რადგან მიწა პროექტს ეკუთვნის, მისი დამუშავების უფლება აქვთ
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები