გერმანია რუსეთს უკრაინასთან ჯარის შემცირებისკენ მოუწოდებს. გერმანიის კანცლერმა, ანგელა მერკელმა და რუსეთის პრეზიდენტმა, ვლადიმერ პუტინმა უკრაინულ ჯარებსა და პრორუსულ სეპარატისტებს შორის არსებული ზრდადი დაპირისპირება სატელეფონო ზარით განიხილეს.

ანგელა მერკელმა კრემლს მოუწოდა, შეწყვიტოს აღმოსავლეთ უკრაინის ტერიტორიაზე სამხედრო შეიარაღების ზრდა. უკრაინასა და პრორუს სეპარატისტებს შორის ბოლო დროს მიმდინარე ესკალაციამ დონბასის რეგიონში კონფლიქტის გაღვივების საფრთხე გააჩინა.

მერკელმა და პუტინმა სატელეფონო საუბარში სხვა საკითხებიც მიმოიხილეს, მათ შორის, რუსი ოპოზიციონერის, ალექსეი ნავალნის დაკავებაც.