ჯანდაცვის მინისტრის მოადგილის, თამარ გაბუნიას განცხადებით, დადებითობის მაჩვენებლის 2%-ს ზემოთ ზრდა, იმის სიგნალი იქნება, რომ უფრო აქტიური ჩარევა არის საჭირო.

"ბოლო ორ კვირაში დადებითობის მაჩვენებელი 2%-ს მიუახლოვდა, დღეს იყო 1,94%, რაც ნიშნავს იმას, რომ გავრცელების რისკები მაღალია. დადებითობის მაჩვენებლის ზრდა 2%-ს ზემოთ, იქნება სიგნალი იმისა, რომ უფრო აქტიური ჩარევა არის საჭირო, განსაკუთრებით, იმ ადგილებში, სადაც გავრცელების მაჩვენებელი მაღალია. ამ ეტაპზე, ჩვენ მაინც ვსაუბრობთ ლოკალიზების ღონისძიებებზე, ტესტირების, ადგილზე კონტროლის და მობილობის მეტად მკაცრად მონიტორინგის სახით", — განაცხადა თამარ გაბუნიამ დღის კურიერში.

6 აპრილის მონაცემებით, საქართველოში კორონავირუსის 897 ახალი შემთხვევა დადასტურდა, გამოჯანმრთელდა 196, ხოლო გარდაიცვალა — 10 ადამიანი.

Stopcov.ge-ზე გამოქვეყნებული ინფორმაციის თანახმად, დადებითობის დღიური მაჩვენებელი არის 3,65%, ბოლო 14 დღის განმავლობაში — 1,94%, ხოლო 7 დღის — 2,32%.