ფრაქცია თავისუფალი საქართველოს წარმომადგენლის, ბეჟან გუნავას თქმით, ქართული ოცნების აქტივისტებმა მათი კანდიდატების პლაკატებს თავისი პარტიის კანდიდატების პლაკატები გადააკრეს.

გუნავამ რუსთავი 2-ს უთხრა, რომ ის ცესკოსგან აღნიშნულ დარღვევაზე რეაგირებას ითხოვს:

"გუშინ ქართულმა ოცნებამ განახორციელა სპეცოპერაცია ავჭალის აბსოლუტურად ყველა ოლქში. არსად აღარ არის თავისუფალი საქართველოს კანდიდატის პლაკატი".

გუნავას თქმით, მას თვითმხილველმა მიაწოდა ინფორმაცია მომხდარის შესახებ:

"ერთ-ერთი მოქალაქე ეუბნებოდა, რომ არ ჩაედინათ ეს ქმედებები და მათ ერთმანეთს უთხრეს, განაგრძეთ ზემოდან მწვანე გვაქვსო".

ბეჟან გუნავა ცესკოს თავჯდომარე თამარ ჟვანიას ამ ფაქტზე დღესვე შეფასების გაკეთებას და სამართლიანობის აღდგენას სთხოვს.

დღეს საკრებულოს შუალედური არჩევნები გლდანის, გარდაბნის, კასპის, წყალტუბოს, ოზურგეთის, ხობის და ზუგდიდის ადგილობრივი მაჟორიტარული ოლქების 45 საარჩევნო უბანზე ტარდება.