ეროვნულმა ბანკმა ლარის ახალი გაცვლითი კურსი დაადგინა, რომლის მიხედვითაც, ეროვნული ვალუტა 3,46 თეთრით გაუფასურდა და ერთი დოლარის ღირებულება 3,4464 ლარს გაუტოლდა — მარტის დასაწყისში არსებულ კურსთან შედარებით, ეს 3,6%-იანი გაუფასურებაა.

ლარი გაუფასურდა ევროსთან მიმართებითაც. დღეს დადგენილი გაცვლითი კურსის მიხედვით, ერთი ევროს ღირებულებამ 3,82 თეთრით მოიმატა და 4,0426 ლარი გახდა.

ლარი გაძვირდა საქართველოს მთავარი სავაჭრო პარტნიორის, თურქეთის ეროვნული ვალუტის მიმართაც. სებ-ის მიერ დადგენილი კურსის მიხედვით, ერთი ლირას ღირებულება 0,4141 ლარია.

ლარის კურსის დასტაბილურების მიზნით, წელს საქართველოს ეროვნულმა ბანკმა 4 სავალუტო ინტერვენცია განახორციელა და ჯამურად 160 მლნ აშშ დოლარი გაყიდა. ბოლო სავალუტო აუქციონი 22 მარტს შედგა.

დღევანდელი ვაჭრობის შედეგად დადგენილი გაცვლითი კურსი ხვალ, პირველ აპრილს შევა ძალაში.