ხის სათამაშოების ბრენდ კუ ბიკის მიზანია, უახლოეს მომავალში გააფართოვოს ასორტიმენტი ადგილობრივი, ქართული თემატიკის გამოყენებით. ამისათვის კომპანია გეგმავს, შექმნას სათამაშოების დიზაინერების გუნდი, რომლებიც მუდმივად შესთავაზებენ კომპანიას ახალ, საინტერესო იდეებსა და მოდელებს, კუ ბიკი კი ყველაფერს გააკეთებს იმისთვის, რომ განახორციელოს ეს იდეები და აწარმოოს ახალი სათამაშოები ყველა უმაღლესი სტანდარტის დაცვით.

კუ ბიკი მაღალ ხარისხთან ერთად, ცდილობს, ბავშვებს მათ ინტერესებზე მორგებული ქართული სათამაშოები შესთავაზოს. კომპანიას ასორტიმენტში ამჟამად 20-მდე სახეობის სათამაშო აქვს, მათ შორის: ქართული ანბანის, ციფრების, არითმეტიკის კუბიკები; ჭანჭიკელა, სორტერი ფერმა და სხვა.

"გვჯერა, რომ ქართველ დიზაინერებს შეუძლიათ, შექმნან ისეთი სათამაშოები, რომლებიც მორგებული იქნება ქართულ თემატიკას და ადგილობრივი მომხმარებლების საჭიროებებს.

აღსანიშნავია, რომ საქართველოში სათამაშოების დიზაინერის პროფესია ფაქტობრივად არ არსებობს. ჩვენ გვინდა, რომ სწორედ ეს მიმართულება განვავითაროთ. ამისთვის კი ვეძებთ ნიჭიერ დიზაინერებს, რომლებიც დაინტერესდებიან ჩვენთან თანამშრომლობით, ჩვენ კი მუდმივად ვიზრუნებთ მათ განვითარებასა და მოტივაციის გაზრდაზე", — განაცხადა ბექა კაცაძემ, კუ ბიკის აღმასრულებელიმა დირექტორმა.

დაინტერესებულ პირები, ვისაც სურს, შექმნას დიზაინები სათამაშოებისთვის და შეუერთდეს კუ ბიკის დიზაინერების გუნდს, უნდა დაუკავშირდნენ კომპანიას ელ ფოსტაზე: [email protected].