კრემლში ამტკიცებენ, რომ რუსეთის პრეზიდენტმა ვლადიმერ პუტინმა კორონავირუსის წინააღმდეგ ვაქცინა გაიკეთა. ამის შესახებ სახელისუფლებო გამოცემა TASS კრემლის პრესსპიკერმა, დიმიტრი პესკოვმა განუცხადა.

"თავს კარგად გრძნობს. ხვალ სრული სამუშაო განაკვეთი ექნება", — აღნიშნა პუტინის პრესსპიკერმა.

TASS წერს, რომ კრემლში არ დააზუსტეს, რომელი სამი რუსული ვაქცინიდან გაიკეთა პუტინმა. როგორც ადრე პესკოვმა განმარტა, ისინი მიზანმიმართულად არ ამბობენ, თუ რომელი ვაქცინა გაიკეთა პრეზიდენტმა, რადგან "სამივე რუსული ვაქცინა აბსოლუტურად სანდო და ეფექტურია".

ამასთან, რუსეთის პრეზიდენტის ვაქცინაცია არ ყოფილა საჯარო. კრემლში აღნიშნავენ, რომ "პუტინს ეს არ მოსწონს".