რ.ჯ პალაციოს მკითხველები განსაკუთრებულად ელოდნენ აპრილს, რადგან სწორედ ამ პერიოდში უნდა გამოსულიყო საოცრების ეკრანიზაცია ჯულია რობერტსისა და ჯეიკობ თრამბლის მონაწილეობით.

თუმცა, როგორც დღეს გახდა ცნობილი, კინოკომპანია Lionsgate-მა ფილმის გამოსვლის თარიღი შეცვალა და ის ნოემბერში, მადლიერების დღის კვირეულში გადაიტანა.

რ. ჯ. პალაციოს წიგნი საოცრება დეფორმირებული სახით დაბადებული ავგუსტ პულმანის ისტორიაზეა. მთავარ როლს ჯეიკობ თრამბლი შეასრულებს.

ფოტო: Lionsgate

ჯეიკობისა და ჯულიას გარდა ფილმში ოუენ უილსონი, მენდი პატიმკინი და სონია ბრაგაც მონაწილეობენ.

ფილმის გამოსვლამდე გირჩევთ აუცილებლად წაიკითხოთ წიგნი, რომლის ქართული თარგმანიც ბაკურ სულაკაურის გამომცემლობამ გამოსცა.