როგორი იქნება ვარკეთილის ხევში ახალი პარკი

თბილისის მერიის განცხადებით, ვარკეთილის ხევში 3 ჰექტარზე პარკის სარეაბილიტაციო სამუშაოები იწყება. როგორც მერმა, კახა კალაძემ განაცხადა, პარკი ყველა ასაკობრივ ჯგუფზე იქნება გათვლილი და სრულად ადაპტირებული - შეზღუდული შესაძლებლობის მქონე პირთათვის.

ტერიტორიაზე მოეწყობა მოსასვენებელი სივრცეები საჩრდილობლებით, სხვადასხვა ასაკობრივი ჯგუფებისთვის განკუთვნილი საბავშვო მოედნები ატრაქციონებით, სპორტული და სავარჯიშო მოედნები, ღია ამფითეატრი, შადრევანი, სკეიტ პარკი, გადმოსახედი ბაქანი. განახლდება არსებული საფეხმავლო ხიდი, ველობილიკი, შეიქმნება ძაღლების სასეირნო სივრცე, დაირგვება ახალი ხე-მცენარეები, თავისი სარწყავი სისტემითა და განათებებით.

ვარკეთილის ხევის სარეაბილიტაციო სამუშაოების დასრულება 2021 წლის ოქტომბრის თვეში იგეგმება.